St. Anne's Church, Bachani Photos

 

Amravati Life Experience (2018 -

 

 

St. Anne's Feast Homily -2021

Jezu-Kristachea Rogtant, Pritichea Bhava-bhoinninno

Aiz anv tumkam soglleank yevkar ditam hea porbhechea disa, ji ami olkotanv ki zaun asa Xapai-Xemaincho dis, khudd Jezuchea Xapai-Xemaincho dis, karan tim zaun asa Bapui ani Avoi Ankvar Maiechi. Anv tumkam yevkar ditam amche firgojechea Xapai-Xemaiank.

Eka kallar sovis(26) July-achi zaun asli fokot St. Annachi porob ani Tichem devosponn zaitte xenkdde pattim kori ani painxim ponnasvea(550) vorsa ek vodli Igroz Constantinople xarant bhanddun kadli. Hallinch heo doinnui porbo Bhag. Ankvar Mariechea Avoi-Bapuicheo ekttaim keleo.

St. Jokim ani Anna zaunk pavlim mukhel Xapai-Xemainchim Patron. Aiz ami niallum-ia hea zanteanchem asnnem vo dennem amche Povitr Sobhe khatir. Nattrank ek vodlem bhag aplea khaxea Xapai-Xemaim sangata vaddounk, punn khaim poristitik lagun tim tanche pois ravun fokot toddoch vell tanche borobor ani vorsak toddeach pautti astat. Tea kallar Jezu-i goddie apleach Xapai-Xemaim borobor vaddonk nam kiteak tim pois ravtallim ani ji dekh Mariek melloli tich Jezuk Tinnem xikoili Judevanche ritti pormonnem.

 
Niall khorun, mojeach Xapai-Xemaincho ugddas ieta. Dor Aitarak tim maka Misak vortallim apnnache gaddien kiteak moji Avoi-Bapui ratchem kham kori, ani hench chodd gorjechem, chodd khorun addunik kallar. Borim tottvam nattrank dhiun tankam fuddarak borim Kristi Bhavartachim avoi-bapui zaunk.

 
Xapai-Xemaianno!!! Jednnam tumkam kitem sarkem nhum dista tedna, bhiunchem nhum, tumkam kaido asa sangunk tankam ki bhavart ani magnnem mottvachem ani gorjechem, chodd korun uttramni ani borea kornneanni. Nattram tumchea ghara ieta tedna, ters khorat, TV ghalche adim. Jevnna adhim ani uprant magnnem khorat, he porim tancho bhavart vaddoiat hea dakttea dekinnim.

 Francis, amcho Bhag. Bap porot-porot ugddas khorta Xapai-Xemainchem kam kitlem mottvachem ani tache Xemaim-ie udexim khoxem aplea jivitache vaddant vantto aslo. Tiche khoddchem poilim magnnim khorunk xiklo. Tumkam odmas astolo koso Jezu Stotram xiklo astolo. Dubhava viret tachea Avoi Bapui koddem ani Xapai-Xemaim koddem.

Aichea porbhe sommoiar anv xebaski ditam Xapai-Xemaink amche firgojent ani mandun ghettam tancho vavr jim tim kortat tanchea nattram pasot, eke bhaxen tumi munniari ani nomunne Jezu Kristache protinidi tanche xikounnent ani poili dakkoll amchea Kristi bhavartachi, diun tankam ek khori bhunniad bhorim mhonxeam zaunk fuddarak. Aiche porbe disa ami amchea Xapai-Xemaink ani nattrank ghaltanv hea kherit Jezuchea  Xapai-Xemainchea hata ani asrea khal. Sant Jokim ani Anna vorvim amkam khollon ieum amchi zababdari bhavart vaddoupant Devak mhoima diunk amchea otmeachea faiddeak.

Parish Priest 

Rev. Fr. Albert Leo, CPPS